تعرفون ليش بابا نؤيل ميجي للعراق !!!

عدد الرسائل : 1034 تاريخ التسجيل : 06/10/2007

ليش بابا نوئيل ما يجي للعراق

في سؤال وجه الى بابا نؤيل عن نيته لزيارة العراق خلال السنة القادمة ولماذا لم يزر العراق هذه السنة اجاب من منزله بالقطب الشمالي مشكورا :
مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء.. المهم فد يوم (حجي نؤيل) ديباوع بخريطة العالم چان يشوف العراق.. گال: إييييي.. هذولة خطيـّة خلي أساعدهم.. المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً..//خطية شلون اتورط ورطة //
بقى تقريبا ثلاث ساعات يدوّر على بيت بي شجرة مال إكرسمس وماكو.. هناك چان يخبطها بِبريك قوي، حتى الغراض اللي بالعربانة وگعنْ واطّشرنْ... وگام يصيح: لگيت بيت... لگيــت .. نِزل بالسطح وبُقه يدوّر على فتحة مال مدخنة يفوت منها!!.. ماكو.. راد باب مفتوحة !!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.
المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع، صوت واحد يصيّح (حرامي ..حرامي !!!).. وعينكم ما إتشوف الاّ النور.. إشتغلتْ الطلقاتْ والبوكسياتْ وحتى قاذفات وهاونات.. على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب.
والتمّت الهمرات والحرس الوطني والشرطة... واحد يگول شفتة لابس حزام ناسف!!.. واحد يگول العربانة مالته مفخخة. هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتتل بالطريق.. وبالتحقيق محد صدّگه وكل ما يفك حلگه..يجي راشدي.. وبعدين زينوه صفر وأخذوا موبايلة وچانت بجيبة أربع أوراق ونص هم أخذوهِن.. تالـي طلع بالگوّة، گالو: رجّال چبير.
رجع (بابا نويل) للبيت يلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حمار وعربانة مكسرة إجو أخذوهن الدوّارة أهل الطحين وراحوا.
وي دكهة الرجّال مشي من بغداد لبيتهم حتى فلوس كيا بجيبه ماكو ..وگال ويه روحه: آني أجي لبغداد بعد!! المهم وهو بطريق الرجعة وما يعرف شيسوي طگت يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟.. منو ليش؟؟.. حقة ما يعرف شنو مفخخة.. وگوة فهموا شنو مفخخة.
كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟ مسيحي لو كردي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه صاروخ من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله..
وهسة هوة كلّش يكره الجهال وما يحب الهدايا وبس يباوع أفلام رعب واشترى مسدسات ورشاشات ويصيح طول اليوم.... ويـن يــروح المطلـوب إلنـة
وشكرا.....

هههههههههههههههههههههههههه خطية بابا نؤيل الله يساعدة خطية الغزلان صارن حمير

مشكورة وردة على التحشيشة وعااااااشت ايدج فعلا تحشيشة روعة والله انقهرت على بابا نؤيل هههههه

مع خالص حبي لكم

عدد الرسائل : 1034 تاريخ التسجيل : 06/10/2007

ههههههههههههههههه لاتنقهرين هموسة منو كلة يتورط ويجي للعراق

مشكورة هموستي على المرور الرائع منورة الصفحة

عدد الرسائل : 75 تاريخ التسجيل : 07/10/2007

ههههههههههههههههههههههههههههههههههههههه

مشكورة وردة ههههههههههههههههههههه خطية بابا نؤيل

عدد الرسائل : 1034 تاريخ التسجيل : 06/10/2007

اي والله خطية الفاس وكع بالراس وتورط

مشكورة حياتي الحساسة على مرورج وردج الرائع ياوردة منورة المنتدى

ههههههههههههههههههههههههههههههههه
هههههههههههههه
والله حلوه عاشت ايدج

مشكور على هذه الموضوع الجميل تقبلو تحياتي

احمد العنزي

عدد الرسائل : 1034 تاريخ التسجيل : 06/10/2007

مشكورين اخوتي على مروركم الحلووووو منورين الصفحة

ههههههههههههههههههههههههههههههههههههههههههههههههههههههه
والله شي غالط
مضضضضضضضضضضضضضضضضضضضحك
جدااااااااااا جدااااااااااااااااااااااااااااا
مشكورة يا وردة المنتدى
santa

عدد الرسائل : 1034 تاريخ التسجيل : 06/10/2007

يسلمووووا اخوية العزيز على ردك ومرورك الي كلة بابا نؤيل