وهي رسالة من عراقي وافاه الآجل في بلاد الغربة
ظلمة والدرب هواية ابعيد
ومامش بعد موخلصن سنيني
فايت قطار الزمن وانة انتظر هناك
ماخذ احباب الكلب وانه ناسيني
الحزن امغيم علي ويمطر هموم
والفرح زعلان ومايجيني
امكضي العمر بل الحسرة والونات
وجمرة الغربة شكثر تجويني
اذا جوعان اشبع بعبرة الم
واذا عطشان دمع العين يسكيني
تعبان كلش والظهر مكسور
والزمن ياللاسف لاويني
ودنياي باعتني واختارت الغير
لان الشرف والغيرة صارن قوانيني
قاسي اشكد كلبج ورحمة مابي
وانه ابن الخير يادنيا بعتيني
رخيص اصبحت بس ماكو شراي
بس خطية طلع بس اللحد هو شاريني
.
.
.
.
ولابيت
طحت ابير الالم والحسرة ولابيت
وروحي النداء الوطن لبت ولابيت
وتالي لاوطن عنـــــــــدي ولابيت
غريب بلا وطن واشكد خطية
ومات ابن العراق بس وصاني وصية
وكال من تجي بغداد
كلهة لاتلطم عليه
لان كلبهة مايتحمل مصايب ولااذية
وسلملي اعلة دجلة والفرات هناك
وكلهم ابنكم اشكد عطشان ميه
بس ياللاسف علية متلحكون
لان صارت اسرع منك هل المنية
واجت بغداد
تنحب وتبجي او تون
على ابنها وتلولي هيه
دللول يل الولد يبني دللول
عدوك عليل وساكن الجول
[center][center]
الرئيسية 
البوابة 
أحدث الصور 
التسجيل 
دخول 
الخميس أكتوبر 04 2007, 07:35
