فراق حبيبين بسبب الطائفه

السلام عليكم

شوفوا الى وين وصلنا وصلنا الحد انو نترك الحب من اجل مذهب معين الله اكبر



صدك تقبل حبيبي لغيري هسة تصير؟؟


وصدك مليت مني وبعد متحبني؟؟


وصدك هانت عليك اسنينه الحلوات


وما هانت عليك شلون تتركني؟؟


من يمته المذاهب نحسبلها حساب؟؟


ومن يمته الطوائف جانت تهمني؟؟


أنه لمن عشكتك ما سألت الناس


ولا جنت ادري اصلك شيعي لو سني


شجاك تغيرت وبكلبك انته شصار؟؟


جنت تموت بية وجنت تعبدني


وجنت اتنفسك وانته الهوه بدنياي


وجنت لو تبتعد لحظات .. تخنكني


معقولة الورد ينكر جميل الماي؟؟


وانته بهالسهولة تنازلت عني؟؟


ما أنكر مقصر إجت فترة وياك


لكن مو بدية الوكت يجبرني


شفت يمك نفط وابين اديك الماي


وأنه بناري اشتعل ردتك تخلصني


لكيتك بالعكس مايَك شمرته ابعيد


وجبت النفط بيدك حته تحركني


شسولفلك بعد؟ طعم السوالف راح


ردت منك توافي وخيبت ظني


أدري الوكت هو الخله كلبك هيج


وادري الطائفية الباكتك مني


وقبل لا تبتعد عندي سؤال ارجوك


فكر وية روحك عود جاوبني :


باجر لو متت وتشوفني بتابوت


هم تبجي علية وبعد تذكرني؟؟؟؟؟


منقول تحياتي لكم [center]

يسلمولى وردة وعاااااااشت ايدج فعلا موضوع مهم جدا بحياتنا



بس اتمنى يارب ماكو فرق بينا لان احنا كلنا اسلام وحرام هذا الشي يصير



والله حرام تفترق الناس بسبب هذا الشي احنا كلنا اسلام الله يجمع قلوب المسلمين


الله هما امييييين
مع خالص حبي لكم

يسلموووووووو هموستي الطيبة على المرورو وان شاء الله ماكو هاذة الشي وكلنة ايد وحدة ومشكورة على كلامج الحلوووو وربي كلامج صحيح وعلى راسي مشكورة مرة ثالثة بارك الله بيج منورة المنتدى واهل اهل المنتدى يا مبدعة