الى كل غريب عن العراق ....

يا غـــــــريب اشلون تبجي ابغربتك

يا غريب ابغربتك هـــــــــم الك بيت

اوهــــــــــــم الك ام التنشف دمعتك

وتمسح ابراســــــــك أذا انته بجيت

اوهم الك خـــــــــوان توفي الخوتك

وتوكف اتعـــــــــــدلك أذا أنته حنيت

اوهم لكيت ابغــــــــــربتك مثل الأهل

اوهم مثل ديــــــــرت هلك كلي لكيت

اوهم تحس ابلذت انـــــــــــواع الأكل

لو مثل أكل الحنينه مـــــــــــــــا كليت

عفت أهلك أدري مــــــــن أجل العمل

وادري مـــــن أجل الاهل انته غربيت

والله صعبه وصعب حيل ادري الفراق

اوصعب تترك بيتك الي بــــــــي ربيت

واعـــرف المتغرب ايعته اشتيـــــــاق

وانته متغرب اسنين اومـــــــــا أجيت

ارجــــــع الأرضك أرض اجمل عراق

أنته مـــــن غير العراق ادري انتهيت

اووووووووووووووووووووووووووف بجيتيني وردة بغداد

عاشت ايدج ومشكورة على الهالكلمات الروعة انحصر كلبي والله

شكرا شكرا عزيزي وسيم والله لو ادري هيج راح يصير بيك مجان نزلتة يلة هانت ان شاء الله ترجع للعراق وكلهة اتصير سوالف مشكور مرة ثانية على مرورح الرائع بارك الله بيك منور المنتدى

يسلموووووو هموستنة على المرور الحلوووووو نورتي المنتدى