فارس احلام البنات العراقيات

الشكل:-
الشكل ايخبل عبالك امة اجلفة كل ساعتين اب كاغد سمبادة ابو البسامير قاطين وج و كفة و لو كالو اتجلفة اب ليفة درجة ممتازة من البلاستك النقي بدون كوليسترول ابييييض جنة صدرية مال مضمد و عيونة خضر عبالك باكة مال كرفس اول ما يجيبوها من العلوة طويل بحيث من المنصور يشوف منو انعلس بالكرادة و شعرة سرح (سرح لو مثروم؟؟) و شاد fire wall ضد القمل و لونة اصفر على شكار عبالك ضارب دقلة اب طاسة الكركم و ريحة الشامبو مال لا دموع بعد اليوم اتعطعط من بعد سنتين ضوئية و هدومة مو بس مكوية و انما امفرمتة وهس توها طالعة من ابو البولش عبالك و حذائة يلمع عبالك مراية(ايزيّن وجه عليها و شعر اصبع رجلة الجبير الصبح يومية ) و شواربة this page can not be displayed يعني ماكو (ناسيها بالمغسلة) و هذا سبب وسامته الشديدة اضافة الى كل هذا ضحكته كلش حلوة( من واحد ايدغدغة) و قلبة كلش طيب (خاصة وية الثوم و البهارات)
التصرفات :-
خبير بالاتيكيت (هذا منظف مال اذن يمكن ولو سألت هسة صاحبي كلي هذا نادي بالدوري البلجيكي ) و يعرف شلون يحجي (ما يحتاجلة update ) و يتكلم 5 لغات عربي و عراقي و مصلاي و بصراوي و لغة البادية و دائما من يحجي يكول ربما و العفو و حالما و و حينئذن و حينخشم عبالك ممثل ابدور شرطي مرور ابفلم الرسالة (رسالة لو أمانة بغداد؟؟) شفتو شكد يفتهم بنوتات؟؟؟ و من يشوف بنية تمشي بالشارع رأسا ينزل عينة جوة(هية احتمالين لو مؤدب او يريد يتأكد لابسة شحاطة لو حافية و ناسيتها بالكنتور ) و من يفتح باب الثلاجة ايدك عال باب واذا محد رد يعوفها و يفتح الفريزر و و هوة ربة بيت ممتازة العفو اقصد ممتاز (عندة بورد من جامعة لندن بالطرشي ابو الخيار) و جيف (مو جيف مال ركي اهووو) و خبير بالكلات العفو اقصد بالأكلات (يا كلات اشعدنا عركة؟؟؟) يعني مثلا خاف البنية ايصير عدها صداع اب جعب رجلها و تنام ما تكدر تتحرك هوة ينظف و يرتب البيت بدالج اما النتيجة فتتوقف على قوة اعصابج لتحمل الصدمة و ورة ما تستوعبين الصدمة انصحج اتجيبين خلفة و اتهدين البيت و تعيشين جوة باكيت كريفن احسنلج و اهم صفة بيه انه من ياخذج و تروحون لسهام العبيدي (لأن كنتورج بي بعد مجال مدا اتعرفين تمليه خخ) مراح ايدردم ولاشي و شكد ما يمشي ما يصرف بانزين (سيارة روسية) و (ايورق ) و هوة الممنون ولا اتحاولين اتعيطين عليه و تستفزيه لا اتحاولين و لا اتعبين نفسج,,,مراح يصي بي جلطة... بعد شتريدون؟؟؟؟؟
المستوى العلمي :-
* يفتهم بالرياضيات (دكتوراه بال 2 *7) و عندة بحث يثبت بي انه يساوي 14( شفتو شكد يفتهم بنوتات؟؟؟)
* اول من اثبت رياضيا و بطريقة فيثاغورس ان الماطور جتال صاحبة
* SWEFGFV في جراحة فتحة الخشم اليسرة و زميل كلية الجراحين الملكية المختلطة في كسرة و عطش
مواقف تثبت ذكائة :-
* ديشرب حليب لكة طعمة اكسباير ,,,,,طفة الضوة و رجع يشربه
* كلما السكن بالتاتا يكول منو صعد؟؟؟هوة صعد (قابل دخل سباحة بالتاتا ؟؟)كل ما يسمع منو صعد يرجع ينطي بحيث السايق رجع ويا كروة 12 مليون باع التاتا و اشترى شقة باللاذقية (ذكيييييييييييييييييييييي)
* ابن اخوه خابره كله عمو عمو طلعت نتائجي و نجحت جان ايكلله هاي عمو النتائج طالعة و ماشالله ناجح لعد من النتائج مطالعة و موجودة شلون؟؟؟؟؟؟ (عمو هاي اشدا اتخربط؟؟؟)
الوظيفة
فارس احلامكم اشتغل هواية شغلات كلها راقية (راقيا فريد شوقي!!) و من ضمن هاي الشغلات اشتغل:-
* نقيب سكنات بغداد يعني اي سكن اب اي تاتا هوة النقيب مالته و هوة اللي اقترح انه السكن يوكف ابباب الورة مو الكدام حتى السايق يكدر يشوف كدامة زين و نال كتاب شكر و كتاب ملح علمود المقترح (امعلكة حاليا بالمطبخ)
* نال منصب رياضي مرموق وهو الامين العام للاتحاد العربي في رفع قناني الغاز (وزن الصرصر ) و هوة اول من اثبت رياضيا ان قنينة الغاز قابلة للتدعبل بالرجل ونال جائزة نتيجة ابحاثة المتواصلة (جيس كطن)
* عسكريا,,, نال منصب قائد قوات جوزة ام ال 5 و هوة منصب يخليه مسؤول عن كل الجوزات اذا فصلت اب اي مولدة بالعراق و وصل مرتبة لواء ركن 25 كي في
* فنيا ,,,, نال جائزة السعفة الذهبية (دا ايدورلها على نخلة حاليا) عن دوره في فلم المغامرات وال action "معاملة جواز السفر" اللي عرضت في جميع سينمات باريس و عكد النصارى و خلت اسمة يطك عالياا (فوك السطح اب مترين)

هههههههههههههه نهجم بيت البانية

ههههههههههههههههههههههههههههههههههههههههههههههههههههههههههههه مشكور على التحشيش الحلوووووووووووو عاشت ايديك

تقبل مروري

هلا بيج وردة بغداد منورة الموضوع

هلا بيج هموسة منورة المنتدى والموضوع بردج الحلوووووووووووو

بس لافارس احلامج من هذولة ههههههههههههههههههه