قصه طلي ويه طليه عراقيه

عدد الرسائل : 1034 تاريخ التسجيل : 06/10/2007

قصه بين طلي عراقي وطليه عراقيه
الطلي = شلونج حبيبتي طليه
الطليه = هلوحياتي طلي
الطلي = البارحه من جنت اتناول العشاء جنه مسوين مطبك جت على برسيم كلت اطلع شويه على صفحه لحبيبتي
الطليه =شكرا عمري
الطلي = شكرا معلاكي حياتي انتي
الطليه = بهاي كراعيني حبيبي اطمئن شلون انساك
الطلي = اه ياهرفي الوحيد طالت علينه شوكت نعرس
الطليه = غير ابوك ظلمها علينه
الطلي = اي والله هذا ابويه صدك خروف يكول خلي الازمه مال عيد الاضحى تعدي ويستر علينه الله وعلى الطيبين من الطليان يارب
الطليه = لا يا باجه حياتي اطمئن بالعراق هسه بس البشر ينذبحون احنا ما علينه شي
الطلي = ههههههههه اي والله حاسدينه البشر بالعراق حتى شوفيهم يقلدونه بعيشه مالتنه لا كهرباء لا ماي نظيف وحتى حاسدينه على اكلنه حسد عيشه
الطليه = اكول ياصوف عمري حجيت وي امك الخرفانه على ترتيبات الزفه
الطلي = اي يا ليلتي الدافيه اتفقنه نسويها بارقى وكفه مال غنم بالعراق
الطليه = زين من راح يغني بعرسنا يا تشريب حياتي
الطلي = راح اجيبلج نانسي عجل ونوال العنزي
الطليه = هاي شنو حبيبي صاير قصاب على كيفك هدء الميع
الطلي = وداعتج وداعت بيض الغنم مالتي وداعت بشرة وجهك الجوزيه الي تلمع اسوي الي ماسواه البعير والجاموس
الطليه = لعد انا ليش حبيتك من دون الدواب كلها لانك ماتخاف من السكين ولا الراعي ولايغرك صوت الناي وماتخاف من الذيب
الطلي = تعالي نكعد يم هاي الزباله نشوف جيسين نايلون احمر نعلج بيها
الطليه = لا خلي نروح للمنتزه
الطلي = يمعوده فارغ حشيشايه مابيه نروح شنسوي يكرب القلب
الطليه = اي والله صح نروج للسينما اكو خوش فلم رعب اسمه المذبوح
الطلي = لا نروح فلم رومانسي اسمه عندما ياتي خروف ( خريف ) العمر يا حبيبي
الطليه = ميع منك شكد تحب الرومانسيه
الطلي =احبج طليه ممكن قبله على خدك المصفح
الطليه = ميع ميع ميع
الطلي =اكول عمج الجاموس بامريكا ما جاي يدز جت
الطليه = يناوشنه شويه شويه يعرف ظروفنه بالعراق لا جت ولا برسيم ولا ثيله
الطلي = ليش مايسويلكم دعوه ويجركم يمه بامريكا
الطليه = مو اني ما استحمل الغربه متعوده على الزباله الى هنا تريح اعصابي
الطلي = الله يخلينه امانة بغداد خوش داري الطليان بالعراق ماكو بين زباله وزباله اكو زباله
الطليه = الله رحمنا من الحاويات مال الزباله كلها انباكت الحمد لله
الطلي =وين تحبين شهر البرسيم مالتنه نقضيه وين
الطليه = الله انتظره على احر من شيش الكباب على الجمر
الطلي = ليش يا شقيه ياطليه
الطليه = ياخوفي ماتعرف ليش وتطلع طلي فاكس وفاطس لا يحوص ولا يرافس
الطلي = هلو ميع هلو ميع تره اني طلي امعط تره اني طلي هتلي ادخن واسهر واشرب ماي شعير
الطليه = اعرفك وكل سوالفك اعرفها يا لوتي
الطلي = هسه كافي خلي ننهي اللقاء وباجر اخذ اجازه زمنيه من الراعي واشتري لفتين حشيش مسحب واجيب كرزات برسيم على دخن ونكعد نسوالف يا جلاوي يا كراعين عمري
الطليه = انتظرك حبيبي لا تتاخر عليه تره تره اكطع روحي واسويها على تمن وثريد
حلو مووووو ههههههههه خوش تشريب هههههههههه

**تحياتي وردة بغداد**

هههههههههههههههههههههههههههههههههههههههههههههههههههههههههههههههههههههههههههه

مشكورة وردة بغداد على هالموضوع الحلو عاشت ايدج

lol!

عدد الرسائل : 1034 تاريخ التسجيل : 06/10/2007

ههههههههههههههههههههههههههه

تدلللل انتة ونورت الصفحة